Сәләт Буа Клубы | Selet Bua Club

164 подписчиков

Бүгенге «Сәләт» дөньясы – татар халкының киләчәктә тормышка ашачак хыялларының өлгесе һәм нигезе. «Сәләт» ул – дәүләт. Бүген ул сәләтле балалар дәүләте. Татар теле чын дәүләт теле булып яшәгән дәүләт. «Сәләт» ул – ил. «Сәләт» иленең чикләре юк. «Сәләт» иленең максаты – Җир шарында татарлар яшәгән һәр төбәктә «Сәләт» кәрәзләре булдыру, бал кортлары иле кебек, шул төбәкләрдә ныклап кәрәзләргә бал-егәрлек җыю, бал кортларының-татарларның өммәтен, илен арттыру, шул мохиттә телебезне, мәдәниятебезне үстерү. Низамәтләр: - Без яхшылыкка тартылып үсәбез, начарлыктан этәрелеп түгел; - «Сәләт» – тәрбия бирү мохите, ләкин тәрбиясезне төзәтү мохите түгел; - Бергә без сәясәткә кушылмыйбыз, әмма сәясәт безнең һәркайсыбызда һәм һәркайсыбыз сәясәттә булырга мөмкин; - Тәнкыйть – безнең алым түгел. Безнең алым – анализ, иҗат һәм үсеш; - «Сәләт» ул – милли һәм дини гармония, рухи һәм фикри ирек мохите; - «Сәләт» – яшь кешегә үзен шәхес буларак кабул итү һәм җәмгыятьтә үз урынын билгеләү мөмкинлеге бирә торган даирә.