Like a Gossamer: купляйце СD "Kliatva viernasci"

141 подписчиков

Менскі postmodern metal гурт Like a Gossamer Склад гурта: Алесь Акульчык – гітара, вакал, музыка; Дзяніс Голін – бас-гітара, бэк-вакал, аранжыроўка. Былыя ўдзельнікі: Антось Смірноў, Фёдар Зімін, Алесь Карповіч, Хрысціна Ганчарова Ягор Чарнамор. Тэксты, пераклады — Алена Жукава. Таксама гурт выконвае народную музыку. Заснаваны ў 2003 годзе Алесем Акульчыкам і Дзянісам Голінам. Першапачаткова граў сярэднятэмпавы gothic/doom/death metal з англамоўнай лірыкай. З цягам часу музыка пачала змяняцца ў бок прагрэсіву і неакласікі. Англамоўныя тэксты саступілі месца беларускамоўным. Гурт трапіў у скаладанку слушнай беларускай музыкі «Прэм'ер Тузін 2007» (30 найлепшых песняў 2007 года паводле версіі партала music.fromby.net). Быў удзельнікам «Адборышча 2007». Удзельнічаў у канцэртах ды фэстывалях: Memento Mori Fest 1—3, Vox Femina: Tribute Flёur (Моладзевы тэатр эстрады, Менск), Metal Hearts (ДК МТЗ, Менск), «Рок супраць СНІДу», Labirint Fest 3 (Бабруйск) і інш. Выступаў у Менску разам з гуртом Ashen Light. 28 кастрычніка 2006 года прэзэнтаваны дэбютны сінгл Like a Gossamer — «Дарога». А 8 лютага 2007 года Like a Gossamer распачаў запіс дэбютнага альбома. 19 кастрычніка 2013 года з'явіўся альбом “Kliatva viernasci”, у якім спалучыліся тры мастацкія плыні: сучасная авангардная музыка, графіка і літаратура.