Көркем насихат

4028 подписчиков

ِ "Көркем насихат" бірлестігі - мұсылман бауырларымызды барлық әлемді жаратушы Алла Тағаланы тануға, Оның адамзатқа екі дүниеде де бақытқа жетелейтін жолды көрсеткен иләхи кітабы - Құран шерифін сүюге, барша жанға үлгі ретінде жіберілген Пайғамбарымыз Мұхаммедтің ғибратты өмірі мен сүннетінен сусындауға, сахабалар мен әулиелердің өнегелі ғұмырынан ғибрат алуға шақырады. Негізгі мақсатымыз да осы үндеуден өрбімек. Мұсылман бауырларымыздың аталмыш амалдарды орындауға деген құлшынысын Құран аяттарынан, Пайғамбарымыздың хадис шерифтерінен, ислам ғұламаларының еңбектерінен мәлімет келтіру арқылы арттыруға тырысамыз. Бірлестік Ислам діні үйрететін тақуалық пен тазалықты, көркем мінезді, шыншылдық пен жомарттықты, ең бастысы кәміл иманға жетуді дәріптемек. Адамзаттың асылы Пайғамбарымыздың (с.а.у) ғұмырындағы үлгі-өнегелерге тоқталып және оның бізге өмірлік сабақ екендігін айшықтап көрсетуге тырысамыз. Әрбір оқиғаның түйіні оқырманды бей-жай қалдырмай, шынайы мұсылман болуға біртабан жақындата түседі деп сенеміз!