"Көмек" Қоғамдық Қоры/ Физ-Тех

216 подписчиков

Болашақ жастардың қолында. Азаматтық қоғамның қалыптасуы мен әлеуметтенуде жастардың орны өте үлкен. Еріктілік қызмет – студенттердің өзара қолдау, көмек көрсету сезімін және әлеуметтік жауапкершілігін тәрбиелейтін жұмыс, жастардың әлеуметтік белсенділігінің көрінісі. Сол себепті, біздің мақсатымыз жастардың күш-қуатын өздеріне де (жеке тұлғаның қалыптасуы), өзгеге де (қоғамға) көмегі тиетіндей жолға бағыттау. Біздің бағдарлама қорғаушысынан айырылған балалар үйіне және әр-түрлі бағытта маманданған мектеп –интернаттарға еріктілерді тартуға негізделген. Бұл балалар мектеп-интернат немесе балалар үйі қабырғасымен шектелген азғантай аймақтан шықпайды. Оларға отбасылық көңіл жетіспейді. Тәрбиешілердің барлығына бірдей терең назар аударуға физикалық тұрғыда уақыттары әрі мүмкіншіліктері жетпейді. Бұл балалар қоғамнан бөлек бірліктер емес, бәлкім қоғамның бөлшегі, құрамдас бөлігі яки бірлігі. Олай болса олардың тағдыры қоғамның өмірімен тікелей сабақтасып жатыр. Сондықтан қоғам құрауыштарының басым көпшілігі жастар болуы себепті басты жауапкершілік те бізге, жастарға келіп түседі. Біздің бағдарлама бұл жауапкершілікті ақтап шығуда және балалардың көп бөлігінің өзіндік жолын табуына көмек көрсетеді деп сенеміз және бұл жолда қолымыздан келгенше қызмет етеміз.