Ditya Sna

19 подписчиков

Старонка гурта "Ditya Sna" Гурт быў створаны вясной 1996 года, на абломках нястворанага сайд-праекту Дзяніса Мускага (ex-Повелитель Снов) і Валянціна Кастэнкі (Фу) "Дзеці Валдзіса Пельша". Праект памёр яшчэ да нараджэньня, але зь яго попелу нарадзіўся "Ditya Sna" (першапачаткова "Dитя Сна") у складзе Дзяніс Мускі - спеў, лірыка, музыка; Валянцін Кастэнка - бубны; Аляксандр Кузняцоў - бас, плюс запрошаны гітарыст і кампазітар Эдуард Юдовін. У далейшым склад гурта часта мяняўся й паступова ператварыўся на студыйны праект. Сёння пад імем "Ditya Sna" існуюць: Дзяніс "Дамінік" Мускі - мужчынскі спеў, музыка й лірыка, аранжыроўка, sound creative; Сяржук Кандрацеў - гітара, Андрэй Ярмакоў - клавішныя, Марыся Цярэнцева - скрыпка й запрошаныя музыкі Яўген Міронаў - клавішныя, басовыя клавішныя, праграмаванне, Зміцер Асіпенка - трамбон, Алег Лебедзеў - труба. На сённяшні час гурт займаецца запісам другога паўнафарматнага альбому й пошукам спявачкі.