700 ТОН ПАЛІВА

13 подписчиков

У цяжкую гадзіну, калі наша родная краіна гераічна змагалася за нафтавыя рэкі з усходу, чацвера маладых хлапцоў задумаліся: "У Беларусі не хапае паліва? Дык у нас яго хоць дупай пей. Хочаш - сто тон, хочаш - семсот. Трэба ратаваць краіну!". І запусцілі для народнага спажывання трубу, з якой гэтае паліва і падаецца. А каб чорнае золата ішло хутчэй, у трубу ўмантавалі гаражны гітарны гук з рознымі клавішнымі прыблудамі. Тут хлопцам было проста - ня трэба было на розных форумах аб'явы вешаць: "Ищем клавишника, желательно со своим инструментом, матерьял есть". А тут вакаліст сам на клавішах ляпаў, усё змяняў адны на іншыя, нават казаў, што музычную вучэльню скончыў, хаця тут справа таемная. І пачалася справа панкотная, гарачая ў дачным сарайчыку каля Заслаўя. І залямантавалі суседзі па дачных дзялянках, пачуўшы пах паліва. Толькі паспелі адрэпетаваць праграму, як бац, - і канцэрт у "Семай лузе". Да яшчэ з Уніяй, Рокашам, J-J Bingz'ам, Знічом. І яшчэ больш паліва стала на нашай зямлі. А праграма "PROдвижение" зрабіла сюжэт пра гэты канцэрт, і амаль палову відэарада было з "700 тон паліва" (напэўна, таму што гурт спадабаўся, а не таму што ў падлу было телевізіёншчыкам да канца канцэрту сядзець)). І вырашана было ўсе гэтыя полькі-енкі запісаць, ды медыйную прастору пазасмечваць. Пампуйце, слухайце, радуйцеся, абурайцеся! Склад гурту: Цімур - клавішы, вакал Марцін - гітара Тарас - бас Лёня - бубны (ударные)