Канцэрт "У абарону жыцця"

371 подписчиков

1 і 2 чэрвеня у межах праекта “У абарону жыцця!”ў Мінску будзе прадстаўлены музычны спектакль “Маё сэрца б’ецца”, прымеркаваны да Дня абароны дзяцей. Арганізатары праекта “У абарону жыцця!”на працягу ўжо васьмі гадоў імкнуцца падняць свой голас у абарону ненароджанных дзяцей, адной з самых бездапаможных катэгорый грамадства. Акцыю ўжо падтрымалі Аляксандр Патліс, Данііл Казлоў, гурты “Spasenie”, "Novi Ierusalim", "Псальмяры", “Эдэм”, “Чэснае Слова”, актор Павал Харланчук і іншыя. У 2009 годзе ужо адбылася прэм’ера спектакля “Маё сэрца б’ецца. У чэрвені гледачы пабачаць пашыраную версію спектакля, над якой старанна папрацаваў вядомы беларускі актор і рэжысёр Павал Харланчук. Разам са сваёй жонкай Ганнай яны сыграюць галоўныя ролі ў гэтай пастанове.” Галоўныя дзеючыя асобы спектакля - дзеці. Яны навучаюцца ў Нябеснай Школе, чакаючы свайго нараджэння. Кожны з іх ужо ведае, кім ён павінен стаць на зямлі. А пакуль іх галоўная задача – добра падрыхтавацца да свайго выпускнога, старанна вывучыць нялёгкую навуку жыцця. Ці ўсе з іх могуць здзейсніць сваю мару? Спектакль адбудзецца ў Маладзёжным тэатры эстрады: 01 чэрвеня ў 19:00, 02 чэрвеня ў 11:00 i 19:00. Кошт квіткоў: ад 15.000 да 30.000 р. Квіткі можна набыць у касе Тэатра, а таксама ў кропках продажу KVITKI.BY.