Албанцы-Лезгины

89 подписчиков

Зи чlал захъ авай девлет, цав-чил я, Зи чlал заз якъут, мержан, къизил я, Зи чlал зи чина авай кьве вил я. Чlал хуьх, лезгияр, чил хуьх, лезгияр! Чина авай кьве вил хуьх, лезгияр! Халкь терг тахьана амукьун патал, Герек я рахун чун лезги чlалал, Акl хьайила, жед чаз дидед мам гьалал, Чlал хуьх, лезгияр, чил хуьх, лезгияр! Чина авай кьве вил хуьх, лезгияр! Куьн садра маса миллетриз килиг, Гьикl абурун чпин чlалахъ кузватlа аку рикl?! Чун вучиз хьурай абурулай эксик? Чlал хуьх, лезгияр, чил хуьх, лезгияр! Чина авай кьве вил хуьх, лезгияр! Чlал девлет я чаз тунвай бубайри, Женгера хвенвай кьегьал рухвайри, Им эмир я квез извай архайри, Чlал хуьх, лезгияр, чил хуьх, лезгияр! Чина авай кьве вил хуьх, лезгияр! Гьажи-Давуданни Шарвилидин, Эминан, Саидан, Сулейман - заридин, Арбен Къардашан - халис лезгидин Чlал хуьх, лезгияр, чил хуьх, лезгияр! Чина авай кьве вил хуьх, лезгияр! Чира жуваз чlал Хуьруьг Тагьиран, Кlела гевгьерар на Шагь-Эмиран, Булахдай яд хъухъ на Шихнесиран, Чlал хуьх, лезгияр, чил хуьх лезгияр! Чина авай кьве вил хуьх, лезгияр! Ваз чидач, белки, Алирзадин рикl? Забитаз лезги халкь кlандайтlа гьикl? Абурун чlал течир лезги жед гъарикl, Чlал хуьх, лезгияр, чил хуьх, лезгияр! Чина авай кьве вил хуьх, лезгияр! Чlал амачирла, амукьдач миллет, Ватандикайни жеда ваз хелвет, Несилрини ваз ийида лянет, Чlал хуьх, лезгияр, чил хуьх, лезгияр! Чина авай кьве вил хуьх, лезгияр! Чlал гадар авун - диде гадарун, Са гафар я, квез чидачтlа, лугьун, Заз кlанзава куьн гьавурда акьун, Чlал хуьх, лезгияр, чил хуьх, лезгияр! Чина авай кьве вил хуьх, лезгияр! Шаирди лагьайвал, къул хуьх, лезгияр, Жуван дагъ, тар-там, кул хуьх, лезгияр, Чилин гьар са чlук, зул хуьх, лезгияр! Чlал хуьх, лезгияр, чил хуьх, лезгияр! Чина авай кьве вил хуьх, лезгияр!