ФЭСТ ЭКСКУРСАВОДАЎ-2009

133 подписчиков

18 красавіка ва ўсім свеце па ініцыятыве ЮНЭСКА ўжо 26-ы раз адзначаецца Міжнародны дзень помнікаў і мясцінаў. У гэты дзень прынята звяртаць асаблівую ўвагу на адметныя помнікі гісторыі і культуры, каб мацней адчуць значнасць гістарычных мясцін і прыналежнасць да мінулага і будучыні свайго краю. 17-19 красавіка ў межах святкавання ў Беларусі Міжнароднага дня помнікаў і мясцінаў, дзякуючы сумесным намаганням некалькіх грамадскіх аб’яднанняў, пройдзе “ФЭСТ ЭКСКУРСАВОДАЎ”. Фармат дадзенага мерапрыемства прадугледжвае каля 30 пешых экскурсій, як абзорных, так і тэматычных, што пройдуць галоўным чынам у Мінску, а таксама у Полацку, Брэсце і іншых гарадах краіны. Экскурсіі будуць праводзіць як прафесійныя экскурсаводы, так і выкладчыкі гісторыі, даследчыкі пэўнай эпохі, тэматыкі ці рэгіёна. Яны атрымаюць магчымасць падзяліцца сваімі ведамі не толькі са студэнтамі і турыстамі, але і непасрэдна з усімі неабыякавымі да гісторыі свайго дома, вуліцы, горада. ПОЎНЫ СПІС ЭКСКУРСІЙ можна пабачыць тут: http://vkontakte.ru/club2296678 (МГА "Historyka") У тым ліку: ЭКСКУРСІІ ПА МЕНСКУ http://vkontakte.ru/pages.php?id=2602366 ЭКСКУРСІІ Ў РЭГІЁНАХ http://vkontakte.ru/pages.php?id=2602450 Таксама інфармацыйныя спасылкі: http://naviny.by/rubrics/tourism/2009/04/14/ic_articles_126_162151/ http://news.tut.by/culture/133951.html 19 красавіка ў Палацы Дзяцей і Моладзі адбудзецца СВЯТОЧНЫ КАНЦЭРТ прысвечаны Міжнароднаму дню помнікаў і мясцінаў! Выступаюць: гурт "РЭХА", І. Леаданская, А. Галіч, і велікодны падарунак - выступ званароў. А таксама вас чакае: сустрэча са знакамітымі краязнаўцамі, мінівіктарына, паланэз Агінскага і шмат прыгожых фотаздымкаў Беларусі. Пачатак канцэрта ў 19.00. Адрас: вул. Старавіленскі тракт, 41, кіналекцыйная зала. Кантакты АРГКАМІТЭТУ: Зміцер Рагачоў, Старшыня МГА "Гісторыка", сябра ІКАМОС - (8-029) 7550370 (каардынатар па працы з рэгіёнамі), Павел Каралёў, намеснік Старшыні беларускага ІКАМОС - (8-029) 7762435 (каардынатар па г. Мінск), Цімох Акудовіч, сябра ІКАМОС - (8-029) 5571124 (агульная каардынацыя і канцэрт). НАРОД!!!!!! Дзелімся ўражаньнямі пра ФЭСТ ЭКСКУРСАВОДАЎ!!! http://vkontakte.ru/topic-2296678_20165465