Кватэрнік Таццяны Беланогай

14 подписчиков

17 красавіка 19.00 адбудзецца кватэрнік Таццяны Беланогай. Маладая спявачка Таццяна Беланогая з’яўляецца пераможцай “Бардаўскай восені” і польскага фестывалю Oppa 2006. Запісала 2 альбомы самастойна. Свой чацвёрты, афіцыйна выданы дыск “Дзьвюхроп’е” падрыхтавала разам з музыкамі Алеся Камоцкага ў 2008 годзе. Яе параўноўваюць з Янкая Дзягілевай і Joan Baez, але яна мае сваю разынку. Яе творчасць – глыбокая і непаўторная – цесна звязана з беларускай традыцыяй. Сама піша песні і музыку. Грае на гітары. Выдатна спявае. Мае песні на словы Яўгеніі Янішчыц, Анатоля Сыса, Новіка-Пяюна… Паслухаць песні Таццяну Беланогай і ўступіць у шэрагі яе прыхільнікаў можна тут – http://vkontakte.ru/club2334753 Пазнаёміцца бліжэй можна на старонцы – http://bielanohaja.org Мінімальныя ахвяраванні – 5 тысяч. Яшчэ крыху пра сам кватэрнік: Падчас канцэрту нельга выходзіць паліць. Для гэтага будзе асобны перапынак. Лямантаваць і паводзіцца неадэкватна таксама не варта. Колькасць месцаў абмежаваная, таму звяртайцеся па іх як мага раней. Кожнаму наведніку будзе асобна паведамлена аб месцы правядзення. Прыходзьце і прыводзьце сяброў!