Прэм'ера фільма "Дзённік Народнага альбома"

41 подписчиков

Гэтае кіно – пра навучэнцаў беларускага ліцэя, які быў зачынены ўладамі за год да ЕГУ. Ліцэісты засталіся ў Менску, вучацца ў падпольных умовах і актыўнічаюць у пазакласнай дзейнасці: сваім уласным маленькім тэатры. На гэты раз яны ладзяць супольную пастаноўку “Народны альбом” разам з польскімі школьнікамі. Фільм, як уласна і сюжэт спектакля, закранае нялёгкі перыяд існавання Заходняй Беларусі ў складзе Польшчы ў 1920-30 гадах. Маладыя акторы з Беларусі і Польшчы знаёмяцца, спрабуюць паразумецца, гаворачы роднымі мовамі, разважаюць пра супольную гісторыю, рэпетуюць, хвалююцца, знаходзяць сяброў. А пасля таго, як спектаклі скончыліся, не хочуць расставацца… Уладзімір Колас – беларускі рэжысёр-кінадакументаліст, а таксама дырэктар Нацыянальнага гуманітарнага ліцэя імя Я. Коласа. Адна з апошніх яго прац – дакументальная стужка “Галерэя Ады” – атрымала ўзнагароду VIII Міжнароднага фестывалю дакументальных фільмаў у г. Ля-Рашэль і спецыяльную ўзнагароду на берлінскім конкурсе «Europe Prix». Пасля прагляду запланавана размова з аўтарам і пачастунак :) Прэм’ера ладзіцца дзякуючы падтрымцы Еўрапейскага Звязу і Рады Паўночных краін