Вялікі канцэрт The Toobes

Малады, але неверагодна энэргічны гурт The Toobes нядаўна выбухнуў на прасторы беларускай рок сцэны. Граючы арганічную сумесь з рок-н-рола, блюза, фанк і нават панк музыкі яны прымушаюць кінуць усе справы і неадкладна нырнуць у як бы мовіць “фантан музычных эмоцый”! Самі хлопцы свой стыль вызначаюць, як “рэвайвал” (revival), але як бы там не зваўся іх музычны напрамак, з упэўненасьцю можна сказаць, што іх творчасьць выклікае даволі моцны інтарэс і мае стабільны посьпех: шчасьліўцы, якія траплялі на канцэрты з удзелам The Toobes на сабе адчулі той вір пазытыўнай энэргіі, які стварала трыо. Дадатковым пацьверджаньнем таленавітасьці музыкаў стала тое, што яны выйгралі ў музычным конкурсе Bandscan, дзе ім давялося змагацца за першае месца з гуртамі вельмі высокай творчай якасьці (вынік – магчымасьць даць некалькі канцэртаў у Швэцыі). Апошні час хлопцы зацята працавалі над сваім першым альбомам, і вось нарэшце мы маем магчымасьць ацаніць вынікі іх намаганьняў: дыск падрыхтаваны і будзе прэзэнтаваны на вялікім сольным канцэрце 16 красавіка ў клюбе Рэактар а 19-ай гадзіне. Прыходзьце і прыводзьце сяброў – атрымаеце надзвычайную колькасьць прыемных уражаньняў! Да таго ж арганізатары плянуюць на канцэрце здымаць кліп, так што ва ўсіх прысутных будзе магчымасьць стаць тэлезоркай! :) P.S. Для тых, хто яшчэ не чуў музыку гурту: запампаваць некалькі трэкаў можна тут: http://xlam.of.by/audio.php