23 траўня 2009 году на адкрытай пляцоўцы аэраклюбу «Баравая» пройдзе рок-фэстываль «Bela Music — 09» з удзелам вядучых айчынных рок-камандаў.

399 подписчиков

Час оўпэн-эйраў вярнуўся. 23 траўня 2009 году на адкрытай пляцоўцы аэраклюбу «Баравая» пройдзе рок-фэстываль «Bela Music — 09» з удзелам вядучых айчынных рок-камандаў. Яго арганізатары пазыцыянуюць акцыю, як «фэстываль фэстываляў» і мяркуюць, што з часам «Bela Music — 09» станецца галоўнай нацыянальнай прэміяй у галіне актуальнай музыкі. Ідэю фэсту падтрымалі менскія і абласныя ўлады, а таксама Міністэрства культуры Рэспублікі Беларусь. Месцам дзеі абраная адкрытая пляцоўка аэраклюбу «Баравая», што непадалёк ад мікрараёну Ўручча. Фэст плянуецца распачаць 23 траўня ў 16:30 і працягнецца ён да позьняга вечару. Плянуецца дастаўка гледачоў ад станцыі мэтро «Ўсход» спэцыяльнымі аўтобусамі. Непасрэднымі ўдзельнікамі фэстывалю будуць «Крама», Neuro Dubel, «Палац», «Детидетей»,"NRM", " Ляпіс Трубецкой" і г.д. Плянуецца таксама зьвярнуцца да арганізатараў музычных фэстываляў «Басовішча», «Рок-Кола», «Рок-Каранацыя". Адноўленная інфармація... Гітарыст двух славутых айчынных калектываў — «Песьняроў» і «Сузор’я» Аляксандар Растопчын зьехаў у Амэрыку ў 1993 годзе. З таго часу быў на Радзіме толькі двойчы — у 1996 і 2007 гадах ён зь вялікім посьпехам даў канцэрты ў Менску. У Амэрыцы ён актыўна выступае на найлепшых пляцоўках і лічыцца зоркаю тамтэйшых блюзавых клюбаў. Акром таго займаецца вытворчасьцю працэсараў гітарных эфэктаў і аксэсуараў для гітараў. На Радзіму музыка не забываецца, таму сьведчаньнем ягоны сольны альбом «Роднае» (2007), вельмі прыязна сустрэты крытыкамі. Разам з Растопчыным з Амэрыкі едзе яшчэ адзін Аляксей — Казлоўскі, нязьменны бас-гітарыст гурта «Сузор’е». Да іх далучыцца бубнач Андрэй Філатаў, які колісь таксама граў у «Сузор’і», а цяпер — у «Краме». Такім чынам на вачах у гледачоў фэсту Bela Music паўстане новы музычны праект — Rastop Power Trio. Свой рэпэртуар музыкі пакуль трымаюць у сакрэце, вядома толькі што гэта будуць новыя кампазыцыі ды розныя прыемныя нечаканасьці, песень з рэпэртуару «Сузор’я» для выкананьня не плянуецца.