Курсы Дыджэяў Адраджэння

18 подписчиков

Курсы Ды-Джэяў Адраджэньня - гэта элітная праграма, прызначаная для ўсебаковага экстрым-кшталтаваньня нова-адроджаных беларусаў любога ўзросту, якая дапаможа вызначыць, альбо паглыбіць і больш эффектыўна і мэтанакіравана ажжыццяўляць сваё пакліканьне на глебе адраджэньня. Курс пачынаецца вызначэньнем асабістага беларускага IQ з дапамогай гадзіннага тэсту на 100 пытаньняў з усіх сфэраў, вызначальных для эффектыўнага адраджэнца. Колькасьць балаў па выніках тэставаньня дае базавы ўзровень прэтэндэнта, які падвышаецца праз актыўны удзел у выпрабаваньнях на наступных узроўнях. У тэарытычнай частцы, якая складаецца з 5 заняткаў, прадстаўляецца духовая база адраджэньня, прэзэнтуецца падбор топавых напрацовак і ведаў у галіне лідэрства і інфармацыйных тэхнялёгій, прапануюцца эффектыўныя тэхнікі плянаваньня, псіхалягічная арыентыроўка, а таксама ажыццяўляецца дапамога ў паступовым практычным авалоданні прадстаўленымі тэарытычнымі ведамі, спачатку ў “кабінэтных” умовах. Але не абыйдзецца і без “выхаду ў адкрытае мора” - практычнай часткі, выпрабаваньні якой маюць інтрыгуючыя назвы: "Высадка з дэсантам", "Шоў Беларушчыны", "Штурм СМІ". Гэтыя выпрабаваньні праводзяцца з штурманскай кансультацыйна-назіральнай падтрымкай Ды-джэяў "са стажам". У фінале толькі 12 лепшых здолеюць перасягнуць мяжу і ўвайсьці ў склад элітарнага ордэна Ды-Джэяў Адраджэньня. Ды-Джэйскія курсы - гэта 10 тыдняў, якія с'эканомяць як мінімум 2 гады самастойных высілкаў, дапамогуць умацаваць падмурак свайго пакліканьня, сфармаваць бачаньне, і згуртавацца з аднадумцамі і паплечнікамі, Крэатыў, пазітыў, уплыў! Чакаем цябе! Беларусь чакае цябе!