Вайцюшкевіч у Магілёве 29 сакавіка

У нядзелю, 29 сакавіка, у Магілёве ў Гарадзкім цэнтры культуры (Першамайская, 34) адбудзецца канцэрт Зьмітра Вайцюшкевіча. Пачатак а 14.00, уваход вольны. Зьміцер Вайцюшкевіч прэзэнтуе магілёўцам праграму “Лепшае”. Канцэрт арганізуе ўстанова культуры “Магілёўскі гарадзкі цэнтар культуры і адпачынку” ды Магілёўская гарадзкая суполка Таварыства беларускай мовы імя Францішка Скарыны. Зьміцер Вайцюшкевіч – беларускі сьпявак і музыка. Вядомы таксама пад мянушкай Todar. 1992—1998 — удзельнік гурту «Палац», што выконвае беларускі аўтэнтычны фальклёр, як у арыгінальным гучаньні, так і ў разнастайных стылёвых апрацоўках. 1997—2001 — удзельнік гурту KRIWI, што спэцыялізуецца на выкананьні традыцыйнай музыкі (world music). З 2001 Зьміцер Вайцюшкевіч — лідэр і мастацкі кіраўнік «WZ-Orkiestra» (Усход-Захад Аркестар). Альбомы * Цацачная крама (2001) — песьні пра краму, дзе прадаюцца цацкі-жывёлы, на вершы Леаніда Дранько-Майсюка * Балады (2002) — песьні на народныя тэксты і з часткова народнай музыкай * Паравіны году (2003) — песьні на вершы Алеся Камоцкага * Паравоз каханьня (2004) — песьні на вершы Рыгора Барадуліна * MW (2005) — песьні па-расейску на вершы Ўладзімера Маякоўскага * Месяц і сонца (2005) — песьні на японскія вершы, перакладзеныя на беларускую мову * Танга з ружай (2006) — песьні на вершы Ўладзімера Някляева * Песьні з доўгай шуфляды. Нявыдадзенае (2006) — песьні, якія ня трапілі на ранейшыя дыскі, малавядомыя * Калыханкі (2007) — сумесны музычны праект разам зь Дзіцячым фондам ААН UNICEF * Liryka (2007) — песьні на вершы Генадзя Бураўкіна * Тое, што трэба (2008) Супольныя праекты і складанкі * Народны Альбом (1997) * Я нарадзіўся тут (2000) * Сьвяты вечар (2000) * Personal Depeche (2002) — «I Want You Now» * Бывайце здаровы. Bella Ciao (2004) * Скрыпка дрыгвы (нявыдадзены) * Прэм'ер Тузін 2005 (2005) — «Вясновы дзень», «Я ішоў да цябе» * Прэм'ер Тузін 2006 (2006) — «Дарога», «Сьвята ў вёсцы»