Здані з батлейнай скрыні

28 сакавіку а сымбоце адбыцьмеся шпэктакля Пана Скіргайлы і кунпаніі “Здані з батлейнай скрыні”, тарнаванага да Вялікадня і каляндарнае повязі між Калядамі і Вялікаднём. За прэамбуляй а пясляслоўем, акторы, як старажытныя Крэвы, распавядуць а пакажуць аб згаданыя сувязі а напрыканцы ўчыняць Ваджэнне Цмака і дадуць яму ваброку, а за сярэдзінаю шпэктаклю лялькі пакажуць, як святкуюць Вялікадня саўрамённыя піплы і чым ета чэрвата. Трывацьме шпэктакля блізу 40 хвілінаў. А потым… Тэатр “Бяз тлуму і дылу” пакажа балет “Сцяна”. Але не пра тое, пра што вы падумалі. Асобам бянтэжлівам празьба прыйсці і збянтэжыціся! Гэнкага квазі-балету Паньства шчэ, пэўна, нябачыўшы! Трывацьме таксама блізу 40 хвілінаў. А ўсё гэта — ціпа Дзень тэатру і ладзе яго Уладзімер Кустаў. Вось ягоны тэлефон: +375 29 666 31 27. А вось — Пана Скіргайлы: + 375 33 638 98 03. Вул. Адзінцова, 10, пав. 2, пакой 237 (актовая саля), збор з 15.00. Даезд: два прыпынкі ад станцыі “Кунцаўшчына” (выхад паводле руху цягніку) аўтобусамі 101, 116, 121 у бок, супрацьлеглы ад Сухарава. ====== Заўвага кшталту "мапед не мой, я толькі змясціў аб'яву": 1. Выкарыстана фота з http://www.svaboda.org/content/Article/868821.html (тамсама можна паглядзець відэа з падобнай імпрэзы батлейкі Пана Скіргайлы). 2. Захаваны аўтарскі правапіс. 3. Дзея павінна атрымацца трэш-гратэскавая, таму аматарам падобнай эстэтыкі абавязкова раю быць. 4. Гэта імпрэза - добрая нагода пашырыць сваё гледжанне на беларускую батлейку. 5. Ахвочыя могуць у перспектыве далучыцца да трупы.