Гуканне вясны

251 подписчиков

Вам надакучыла зіма? Хочацца цяпла і сонца? Як паскорыць прыход вясны? Нашы прашчуры ведалі дзейсныя сродкі. Беларускі дзяржаўны музей архітэктуры і побыту і Студэнцкае этнаграфічнае таварыства запрашаюць прыняць удзел у ГУКАННІ ВЯСНЫ! Вы пачуеце абрадавыя веснавыя спевы, пройдзецеся ў магічным коле карагоду, пагушкаецеся на арэлях і натанцуецеся да ўпаду пад дуду. Таксама ў праграме: - выстава-продаж традыцыйных рамесных вырабаў ад Саюзу майстроў Беларусі; - майстар-клас па традыцыйным мастацтве выцінанкі ад сяброў Студэнцкага этнаграфічнага таварыства; - гульні і забавы для дзяцей і дарослых. У свяце бяруць удзел гурты “Guda”, , “Горынь”, “Княжыч” (Полацк), “Калыханка” (Міханавічы), а таксама сябры Дударскага клубу. Падчас свята вы можаце азнаёміцца з экспазіцыяй музея. УВАГА! Кошт індывідуальнага наведваньня музею 6300 р. Студэнтам і школьнікам 3150 р. Азнаёміцца з праграмай свята можна на сайце музея: http://etna.by. Ад аўтара: Апранайцеся пацяплей, абувайцеся ў найбольш непрамакальны абутак і бярыце тэрмасы з сабою! Не дадзім зіме перамагчы нас!!! :)))