Дні Беларускай Культуры ў Познані (8-12 чэрвеня 2009)

59 подписчиков

Культурныя стасункі паміж Беларуссю й Польшчай, у сучасным стане, нагадваюць паводзіны суседзяў, якія хай сабе й жывуць побач, але ня ведаюць адзін аднаго. Каб змяніць гэтую сітуацыю мы вырашылі арганізаваць шэраг культурных мерапрыемстваў у горадзе Познань – сталіцы Велькапольшчы(зах.) – на гэтых землях нарадзілася польская дзяржва. Дзякуй Богу, наша ініцыятыва знайшла падтрымку сярод мецэнатаў, спонсараў, мясцовых уладаў. У выніку гэтай супрацы ды ўласных намаганьняў мы можам прадставіць вашай увазе фэст “Дні Беларускай Культуры ў Познані”, які адбудзецца з 8 па 12 чэрвеня гэтага года. На працягу пяці дзён фэстывалю Вас чакае насычаная культурная праграма. Вы пазнаёміцеся з творчасцю прадстаўнікоў беларускай музыкі, кінематографа, літаратуры, фотамастацтва. Удзельнікі фэсту – аўтары і артысты, вылучаюцца індывідульным падыходам да свёй справы, чыя творчасць з'яўляецца актуальнай і запатрабаванай як у самой Беларусі, так і па-за яе межамі. Кожны чалавек, які пражыве з намі гэтыя 5 фэстывальных дзён, будзе мець ўяўленне пра сучасны стан беларускай культуры. Чакайма на Вас!!!