Taize Community, Мінск Беларусь

39 подписчиков

Амаль усе ведаюць французскае мястэчка Тэзэ, дзе больш за паўстагоддзя таму ўзнікла экуменічная супольнасць з той самай назвай (экуменізм — рух за аб’яднанне ўсіх хрысціянскіх супольнасцяў). З тае пары мястэчка не пустуе. З года ў год штодзень сюды прыязджаюць групы, якія прадстаўляюць усе хрысціянскія канфесіі, на супольную малітву. Малітву за еднасць і супакой — такую, да якой заклікаў брат Ражэ, заснавальнік супольнасці ў Тэзэ. Супольнасць і цяпер нястомна нагадвае свету: не глядзіце на тое, што нас дзеліць, — шукайце таго, што нас яднае. Браты з Тэзэ праводзяць падобныя сустрэчы па ўсім свеце — у Еўропе і Азіі, Афрыцы і Амерыцы як частку агульнага Паломніцтва даверу на зямлі. Такія сустрэчы — гэта магчымасць для моладзі розных хрысціянскіх веравызнаннаў маліцца разам, знаёміцца і размаўляць, дзяліцца сваімі думкамі і адчуваць, як Езус Хрыстус яднае людзей. Перажыванні гэтых дзён асаблівыя. Ты знаходзішся сярод тысяч маладых людзей з розных краінаў, якія не разумеюць тваёй мовы, выхаваныя ў іншай культуры, але ў іх такія ж самыя хрысціянскія погляды! І мы, такія розныя і адначасова такія падобныя, знаходзімся разам. Разам сядзім на падлозе, спяваем песні, слухаем разважанні і молімся. Увогуле малітва Тэзэ складаецца са спеваў, паміж якімі чытаюцца фрагменты Евангелля, разважанні братоў, і медытацыі ў цішыні. Усе, хто якiм небудзь бокам-прыпёкам звязаны з Тэзэ, яднаемся))))