Шляхетная танцавальная вечарына ў "Жар-птушцы" (9 красавіка, 19:00)

96 подписчиков

Шляхетныя танцавальныя вечарыны адбываюцца шточацвер у сямейнай кавярні "Жар-птушка", што ў парку Горкага! Калі хочаце правесці вечар чацьвярга цікава і з карысцю - прыходзьце і прыводзьце сяброў ды сябровак! Для вас грае капэла Зьмітра Сідаровіча - дуда, скрыпка, акардэон і бубны. У праграме: беларускія і еўрапейскія танцы - юрачка, кракавяк, ойра, падыспань, полька-матылёк, лявоніха, млын, грачанікі, верабей, матлёт, а таксама традыцыйныя эратычныя гульні!! Калі вы нават ніколі не танчылі беларускія танцы, але хочаце навучыцца - прыходзьце і навучыцеся! Нацыянальныя строі толькі вітаюцца. Але дрэс-коду, як такога, няма - абы вам было зручна і не горача. Істотная парада: выбірайце не коўзкі абутак. У кавярні можна замовіць гарбату, салаты, піццу. Піва не прадаецца, але нібыта дазваляецца ціха праносіць сваё, набытае ў краме. Уваходны квіток каштуе 5 тыс. бел. рублёў. Для дзяцей бясплатна. Папярэдняя замова столікаў па тэл. 285-27-68, 294-56-72.