Правы Альянс

413 подписчиков

Правы Альянс - гэта аб'яднанне беларускай правай моладзі, якая кіруецца прынцыпам трох П: Пазітыўнасць, Патрыятычнасць, Прынцыповасць! Наш Альянс - гэта высока ўзьняты штандар нацыянальнага адраджэньня, гэта беларускі крок у агульнаеўрапейскім правым рухе. Правы Альянс быў заснаваны ў пачатку 2004 году на падмурку самараспушчанай Беларускай Партыі Свабоды (БПС) і паўстаў як аб'яднанне беларускіх патрыятычных моладзевых ініцыятыў. 15 ліпеня 2009 года быў зарэгістраваны як Установа. На сёння мае некалькі сотняў валанцёраў і прадстаўнікоў ва ўсіх абласцях краіны. НАШЫ ПРЫНЦЫПЫ -любоў да роднай зямлі, яе культуры, традыцый, гісторыі; - адданасць свайму народу і краіне; - яднанне свайго лёсу з лёсам дзяржавы і народу; - барацьба за свабоду і суверэнітэт Беларусі; - пераемнасць у барацьбе за нацыянальныя ідэалы; - вернасць ідэалам Нацыі; - мэтанакіраванасць; - змаганне з анты-беларускімі сіламі; - нацыянальная салідарнасць; - сумленнасць у выкананні даручанай справы; - маральнасць у стасунках з паплечнікамі і людзьмі; - здаровы лад жыцця; - шляхетнасць у паводзінах; - гонар і годнасць; - вернасць прынцыпам Правага Альянсу. НАША ПАЗЫЦЫЯ за нацыянальнае адраджэнне - супраць дэнацыяналізацыі; за трывалыя сем’і - cупраць распуты і абортаў; за супрацу народаў – cупраць шавінізму і ксенафобіі; за развіццё і паглыбленне нарадаўладзя (дэмакратыі) - супраць нігілізму і дэпалітызацыі; за эканоміку на службе жывога - супраць адмывання грошай і ультралібералізму; за моцныя мясцовыя супольнасці - супраць гігантаманіі і “ураўнілаўкі”; за гарады з гістарычным тварам - супраць безаблічных бетонных полісаў; за свабоду думкі і абмеркаванне ідэяў у шырокіх колах грамадства - супраць дыктату і аўтарытарызму; за Еўропу Айчынаў - супраць еўрапейскага цэнтралізму і транснацыянальнага заняволення; за каардынацыю і супрацу еўрапейскіх правых – супраць імперыялізму і пагарды.