Выстава "Чырвоны кут"

37 подписчиков

13 лютага ў 15.00 у мастацкай галерэі “Універсітэт культуры” адкрываецца выстава “Чырвоны кут”, якую прадстаўляе прадпрыемства беларускіх народных рамёстваў “Скарбніца”. Метафарычная назва раскрывае два аспекты выставы. Найперш, чырвоны кут – сакральнае месца дома, дзе знаходзіўся абраз, пакрыты рушніком, і стол, за якім збіралася ўся сям’я. З другога боку, чырвоны кут – сімвал беларускай духоўнасці, чысціні і святасці сям’і, рода, нацыянальных традыцый. Прастора галерэі змясціла ў сабе ўмоўную беларускую хату. Складаецца яна з сенцаў, пакояў, запоўненых побытавымі рэчамі, і, канечне ж, чырвонага кута, які з’яўляецца дамінантай выставы. Тут шырока прадстаўлены традыцыйныя народныя рамёствы: роспіс па дрэве, кераміка, ручное ткацтва, саломапляценне, традыцыйныя і сучасныя беларускія строі і многае іншае. Далейшыя імпрэзы ў рамках выставы: 25 лютага 17.00 – Майстар-клас па традыцыйнай вышыўцы 27 лютага 17.00 – фолк-рок канцэрт Рокаш і Like a Gossamer Уваход вольны. Можна спазняцца. Мерапрыемствы доўжацца да 19.00 Заспрашаем усіх цікаўных. Пытанні па тэлефоне мст 7547074