ХПР ВБ "РАДЗІМА"

Хрысцiянска-патрыятычны Рух Вiртуальнай Беларусi "РАДЗIМА" Вiртуальная Беларусь (http://vkontakte.ru/club3924252) - гэта праект накiраваны на рэалiзацыю дзяржаўнага будаўніцтва Беларусi ў вiртуальным фармаце. ІДЭАЛОГІЯ РУХУ: Хрысцiянска-патрыятычны Рух Вiртуальнай Беларусi "РАДЗIМА" базуецца на такіх пачатковых слупах, як хрысціянскія і традыцыйныя каштоўнасці, а таксама здаровая ідэя патрыятызму (адпаведна, у традыцыйнай класіфікацыі можа быць аднесены да кансерватыўна-хрысціянскіх супольнасцяў). Здаровы патрыятызм - гэта пачуццё шчырай любові да сваёй Радзімы, імкненне праз свой удзел паляпшаць становішча ў дзяржаве, умацоўваць мір і адзінства, паважаць Веру, гісторыю, традыцыі і мінулае Радзімы, спрыяць духоваму, разумоваму, культурнаму і фізічнаму развіццю народа, прыкладаць намаганні для стварэння і канструктыўнага функцыянавання ўсяго, што на карысць Айчыны. Здаровы патрыятызм - ёсць гістарычна абумоўлены і падцвержаны, ёсць асновай нашага народу, і таму адыход ад у бок касмапалітызму і іншых дэструктыўных аспектаў, ёсць для нас скрайне негатыўным працэсам. Бо здаровы патрыятызм ні ў якім разе не з'яўляецца нейкай з форм нацыянальнай ці расавай нянавісці, і тады ён, безумоўна, спрыяе ўсебаковаму развіццю еднасці, салідарнасці, а таксама іншых станоўчых і канструктыўных якасцяў. Таксама адным з нашых галоўных прыярытэтаў ёсць вяршэнства духовых каштоўнасцяў і Духа, над зямным і матэрыяльным. Здаўна нашы продкі імкнуліся спасцігнуць таемнае і далучыцца да Святога, бо нашы людзі і тады дакладна разумелі, што духоўнасць, заснаваная на Хрысціянскай Веры і Саборнасці, ёсць ключом да гарманічнага і стваральнага народнага і дзяржаўнага развіцця. таму і зараз, калі мы не звернемся да высокага і духовага, нас чакае толькі адно - сумны лёс быць сведкамі ўласнай немінучай дэградацыі...