Аперацыя "Ў"

160 подписчиков

УКантакце з кожным днём рэґіструецца ўсё больш людзей. Ня толькі з Расеі, але і з усіх краінаў сьвету. На дадзены момант беларусаў на сайце больш за паўмільёны, то значыць 20-я частка насельніцтва Беларусі. І сярод іх багата беларускамоўных. Менавіта для прыхільнікаў роднае мовы ўжо зроблены інтэрфэйс па-беларуску. І шмат хто перакладае сваю старонку на беларускую мову. Тут і ўзьнікае "Праблема Ў". Бо менавіта гэтую літару немагчыма захавáць у імі і прозьвішчы (хаця літары Ґ, Ї, Є, уласьцівыя ўкраінскай мове, сайт захоўвае). А што рабіць, напрыклад, калі вашае імя - Яўген Іваноў? Толькі пры першай рэґістрацыі сайт "запамінае" літару Ў, потым жа пры спробах зьмяніць імя ці прозьвішча (напрыклад, Яўген вырашыў, што яму больш пасуе імя Жэня) сайт "забывае" літару Ў, пакідаючы замест яе пустое месца (Жэня цяпер мае дзіўнае прозьвішча "Івано"). У гэтай суполцы мы паспрабуем знайсьці выйсьце.