Друзя Палестина !

50 подписчиков

İsrail hərbi komandanlığı Qəzza sektorunda Həmas silahlılarına qarşı həyata keçirdiyi hərbi əməliyytaların görüntülərini nümayiş etdirib. Silahlıların olduğu güman edilən ərazilərin və obyektlərin havadan raket zərbələri ilə vurulduğu əksini tapan video görüntülərdə həmçinin Xan Yunis şəhərində quru əməliyyatlardan da fraqmentlər nümayiş etdirilib. Fələstin səhiyyə xidmətindən verilən məlumata görə Həmasın mövqeyinin güclü olduğu Qəzza sektorunun cənubunda yerləşən Xan Yunis şəhərində 4 nəfər qruplaşma üzvü məhv edilib. İsrail hərbi komandanlığının verdiyi son məlumata görə hərbi əməliyyatlarda 130 Həmas silahlısı məhv edilib. Döyüşlərdə 5 nəfər İsrail hərbçisi həlak olub. Xatırladaq ki, Qəzza sektorunda keçirilən hərbi əməliyyatlar zamanı ölən fələstinlilərin sayı 631 nəfərdir. 2 min 700 nəfər isə yaralanıb.