Суполка тых, хто любіць Менск!

11 подписчиков

У сталіцы Беларусі разам жывуць менчукі і мінчане, ходзяць па адных і тых жа ходніках, глядзяць на адну і тую ж рэкляму, наведваюць адны і тыя ж крамы, ездзяць у тых жа самых цягніках мэтро... Жывуць і не заўважаюць адзін аднаго, існуюць побач, але крыху паасобку ў адным горадзе. Яны ўспрымаюць яго па-рознаму: нехта "шырокім праспэктам шагае", падымае вочы вышэй палутара мэтраў толькі каб угледзець нумар будынка або прачытаць шыльду незнаёмай крамы, а нехта адкрывае для сябе ўсё новыя і новыя адметнасьці куточкаў Верхняга горада, спрабуе праз веліч тоўстых сцен, якім амаль чатыры стагоддзя, адчуць стары Менск, уявіць яго, спрабуюць уявіць сабе гэта месца два, тры, чатыры стагоддзя таму, уявіць былых менчукоў, тое, што іх хвалявала, тое, аб чым яны думалі ў тыя далёкія ад нас часы... Гэты сайт імкнецца адкрыць Горад тым, хто яго любіць і імкнецца пазнаць. Пазнаць Горад, які, на жаль, працягвае зьнікаць, але, як сьпявае Лявон Вольскі, "ў сэрцы жыве, ён жыве ў галаве шмат каго, хто ў горадзе Мінску жыве"... Калі ты жывеш альбо хаця б паважаеш Менск, тады далучайся да нас!