Ліпічанская пушча... (рэспубліканскі ландшафтны заказнік)

Ідэя (для тых, хто хоча адпачыць на прыродзе): Я думаю дзесці ў межах 9-14 студзеня, колькасць дзён яшчэ не вырашыў, паехаць у Ліпічанскую пушчу. Асноўная мэта: паглядзець сляды звяроў, іх там багата, ад вавёркі да лася, магчыма і ваўка; пашукаць і паслухаць птушак, там адзначаны некалькі чырвонакніжных відаў; а таксама паглядзець на розныя біятопы такія як, балоты, дубравы, змяшаныя шырокалісцевыя лясы і інш. Як гэта будзе: Спынімся ў доме бабулі (Мастоўскі р-н), дровы, печ, прыдатнае месца для ночання. Днём выходзім у запланаваную частку пушчы, ходзім, глядзім (мапы і прылады для навігацыі ёсць, таму не заблукаем), бліжэй да сумерак вяртаемся, каб частку шляху прайсці ў цемнаце, з мэтай паслухаць соў (ёсць ліхтарыкі)... Дабіраемся да месца на дызеле і аўтобусе, калі Вы паедзеце, я магу паспрабаваць знайсці грошы на квіткі. Як што, дапамагу з біноклем і іншымі рэчамі... Дакладна паедзе яшчэ мой сябра з медуніверсітэта... Я дасылаю гэта запрашэнне сваім сябрам, якім можа быць цікавы такі адпачынак, калі твой сябра хацеў бы таксама паўдзельнічаць у гэтым, можна без праблем далучацца...