Права направа

Спадартва! Патрэбна вашая дапамога! Беларускі Хельсінскі камітэт арганізуе конкурс малюнкаў на тэму ПРАВЫ ЧАЛАВЕКА. Падрабязней… Але я вам хачу прапанаваць удзел не ў якасці канкурсантаў, а як валанцёраў. Калі вы… … малюеце коміксы ці проста можаце спалучыць тры лініі так, каб атрымаўся нечаканы вынік. … любіце дзяцей. …хочаце разбавіць сваю сэсію чым-небудзь акрамя прагляду фільмаў на канапе. То чытайце далей уважліва. Плануецца, што валанцёрская каманда наведае шэраг дзіцячых устаноў (школы, інтэрнаты), дзе правядзе забаўляльна-адукацыйныя заняткі малявання. Падчас іх мы будзем тлумачыць, што такое правы чалавека так, каб у дзетак з'явілася разуменне гэтага не як абстрактнай нейкай з'явы, а галоўнае, каб ім захацелася графічна выразіць сваё разуменне. Падрабязнасці прасцей будзе патлумачыць пры асабістай сустрэчы, так што, калі вас зацікавіла ідэя, то пішыце ці ў суполку, ці мне ў асабістыя, каб мы дамовіліся і пабачыліся дзе-небудзь за гарбаткай. Усіх, хто адгукнецца, чакае ад мяне маленькі, але падарунак:)