Крылы Гарадзеншчыны (арніталагічны сайт Гарадзеншчыны)

19 подписчиков

Экалагічная інтэрнэт прастора Гарадзеншчыны выглядае вялікай белай плямай. Большасць экалагічнай інфармацыі да нас прасочваецца з навастных сайтаў ды прыватных блогаў. Таму асабісты інтэрнэт-рэсурс прысвечаны Экалагічнаму руху на Гарадзеншчыне, вельмі актуальны і запратабаваны на сённяшні момант. Ідэя па стварэнню такога рэсурса з'явілася ўжо даўно, і вось зараз, са стану ідэі яна пераходзіць у стадыю актыўнай распрацоўкі. На дадзены момант мы збіраем каманду, якая будзе актыўна займацца сайтам (распрацоўка, напаўненне, падтрымка, раскрутка, дызайн) і канчаткова фарміруем канцэпцыю сайта (асноўная мэта, раздзелы, матэр'ял і накірункі развіцця). Нашая каманда: Яўген Сліж (студэнт 4 курса ф-та "Біялогіі і экалогіі" ГрДзУ) Дзяніс Табуноў (студэнт 4 курса ГрДзМУ) Дзьмітрый Гупянец (Аспірант Інстытута фармакалогіі НАН Беларусі) Дзьмітрый Вінчэўскі (выкладчык ф-та Біялогіі і экалогіі ГрДзУ) У хуткім часе да нас далучацца: Віктар і Вольга Валько (выпускнікі ф-та Біялогіі і экалогіі ГрДзУ) Далучайся да нас... Мы адкрыты праэкт для цікавых і актыўных людзей, якія хацелі бы рэаліцаваць сябе ў экалагічнай дзейнасці. Форма ўдзелу можа быць ад самай нязначнай да актыўнага ўдзелу ў лёсе праэкта. Асноўныя тры накірункі, якія мы плануем першапачаткова развіваць: 1. Birdwatch - аматарскае назіранне за птушкамі і ўсё што злучана з птушкамі Гарадзеншчыны. 2. Экалагічны турызм - распрацоўка маршрутаў, адукацыя,асвятленне рынка экалагічных паслуг Гарадзеншчыны. 3. Экалагічныя праэкты - інфармацыйная падтрымка, распрацоўка ўласных праэктаў, асвятленне сусветных экалагічных рухаў і кампаній.