ГОЛНАЗ СЭФЭРОВА БЕЛЭН ОЧРАШУ

144 подписчиков

ГӨЛНАЗ СӘФӘРОВА МУХИНА БУЛДЫ! Узган җомгада чибәр, уңган, таланты Гөлназ Сәфәрова кияүгә чыкты. Аның ире – Ленар Мухин (танылган яшь композитор Марат Мухинның абыйсы). Яшьләр 1,5 ел элек Казанның ЦКЖ клубында танышканнар. Дөресрәге, аларны танылган ди-джей Булат Бәйрәмов таныштырган. Шул көннән башлап Ленар белән Гөлназ очраша да башлаган. Аларның туйлары Казанның иң кыйммәт рестораннарының берсендә, “Мезон гриз”да үтте. Күлмәкне кәләш бик озак эзләгән, башта аны алырга дип хәтта Мәскәүгә дә җыенган иде. Соңыннан “шампан” төсендәге искиткеч матур күлмәкне Гөлназ Казанның “Классик Люкс” салонында эзләп тапты. Шунысын әйтергә кирәк, туй көненә кадәр Ленар сөйгәненең күлмәген күрмәде. Алтын балдакларга килсәк, кияүнең балдагы шома, ә кәләшнеке 7 бриллиант белән бизәлгән иде. Мәҗлескә 80 кеше чамасы килде. Алар арасында “кулёк”ның проректоры Рафаэль Вәлиев, КДУның журналистика факультеты деканы Васил Гарифуллин, җырчылар Раяз Фасыйхов, Ләйсән Гимаева, Иркә, Дилә Нигъмәтуллина, алып баручылар Булат Бәйрәмов һәм Зөлфәт Зиннуров бар иде. Гел җырлап, биеп, көлеп, кунакларның күңелләрен күтәреп кенә тордылар алар. Тамада Ләйсән Ветрова (Сөләйманова) да сынатмады, төрле бәйгеләрне бер-бер артлы үткәреп кенә торды. Туйда булган сюрпризларга килсәк, кияү кәләшенә 18 залплы (18 апрель – туй көне) фейерверк, ә Гөлназ сөйгәненә бик матур шәмнәр белән бизәлгән йөрәк формасындагы торт бүләк итте. Ә менә 7 мексикан розадан ясалган кәләш букеты Гөлназның иптәш кызы Чулпанга эләкте. Ләйлә Зотова.