"Буду жыць" -дабрачынны канцэрт

119 подписчиков

Салігорская вэртыкаль у апошні момант забараніла канцэрт беларускіх музыкаў прысьвечаны дню барацьбы са СНіДам. Першапачаткова кіраўніцтва Дому культуры і Аддзела культуры райвыканкаму з інтузіязмам успрыняла прапанову моладзі, але ж даведаўшыся, што сярод арагінзатараў ёсьць мясцовыя маладафронтаўцы ўлады вырашылі накласьці вета на музычную імпрэзу. Спробы моладзі тэрмінова зьвяруцца да вышэйшага кіраўніцтва не прынеслі плёну. Паабяцаўшы паспрыяць правядзеньню канцэрту, чыноўнікі з абылвыканкаму не змаглі паўплываць на рашэньне мясцовых ідэалягічных работнікаў. У выніку сотні салігорцаў засталіся без канцэрту і добрага настрою, а дзеці хворыя на СНіД без падарункаў. Нагадаем, што 30 лістапада ў межах кампаніі "Будзьма" ў гарадзкім палацы культуры мусіў адбыцца дабрачынны канцэрт "Буду жыць", прысьвечаны сусьветнаму Дню барацьбы са СНІДам. На канцэрт былі запрошаны два маладыя і нестандартныя беларускія гурты: канцэптуальны праект «Harotnica» – дэструктыўны пажарны аркестр з жаночым вакалам, элементамі ска, класікі, джазу і ярка акрэсленай маргінальнай творчай пазіцыяй, і гурт «Ківач Фуко», што нарадзіўся два гады таму пры ўдзеле таленавітага барду Зьміцера Казлоўскага. http://saligorsk.org/index.php?nma=news&fla=stat&nums=171