Новая кружэлка гурта HAIR PEACE SALON

97 подписчиков

Адзін з найцікавейшых англамоўных менскіх гуртоў, гурт HAIR PEACE SALON, прадстаўляе ўвазе мэляманаў сваю новую кружэлку пад назовам «In Tune». Кружэлка складаецца з чатырох трэкаў, кожны з якіх шматкроць правераны на канцэртах і каханы слухачамі. Першыя тры песьні «Ice Age», «Like A Whale» і «In Tune» маюць вельмі падобны настрой, можа нават здацца, што гэта тры часткі аднаго вялікага твора. Песня «Stand The Rain», запісаная трохі раней, увайшла ў кружэлку як bonus-track. Падыход да гучаньня песень пры запісу кружэлкі быў такі - зрабіць запіс густым, насычаным, але адначасова з тым лёгкім і паветраным, як патрабаваў зьмест песень. Па агульным настроі атрымалася мэлядычная, рамантычная і напоўненая сьветлым сумам, але рытмічна моцна зьбітая поп-музыка. Зараз, пасьля выхаду кружэлкі «In Tune», адной з найважных падзеяў у жыцьці гурта HAIR PEACE SALON, з'яўляецца беларуска-швецкі музычны конкурс «Bandscan:belarus». Конкурс цікавы моцным складам беларускіх гуртоў, акрамя таго прыязджаюць выступаць шэраг цікаўных швецкіх груп, выступаючы на адной сцэне з якімі можна рэальна ацаніць свой узровень. Таму мы запрашаем усіх нашых сяброў і прыхільнікаў прыходзіць на канцэрты конкурсу ды абраць наймоцнага. Чарговы адборачны тур конкурсу «Bandscan:belarus» з удзелам гурту HAIR PEACE SALON адбудзецца 7-га сьнежня ў клубе «fabrique» (ул. Мясьнікова, 25). Спампаваць EP «In Tune» на XLAM.by http://xlam.by/index.php?id=915 http://xlam.by/music/hair_peace_salon_in_tune_ep.rar Спампаваць EP «In Tune» на афицыйнам сайте гурта http://hairpeacesalon.com//index.php?option=com_content&task=view&id=244&Itemid=31 HAIR PEACE SALON http://www.myspace.com/hairpeacesalonband http://www.youtube.com/user/hairpeacesalon http://vkontakte.ru/club1161543 автор текста SLAP скачивайте треки и высказывайтесь ! очень интересно узнать мнение каждого )