Віртуальная плошча Свабоды

Плошча Свабоды - адзіны з галоўных пляцаў Віртуальнага Менска (сталіцы Віртуальнай Беларусі). На плошчы знаходзіцца гарадская Ратуша, Касьцёл Панны Марыі, пяцізоркавы гатэль "Эўропа" (дзеля замежных дэлегацыяў і іншых госьцяў нашай дзяржавы). Тут адбываюцца сьвяточныя мерапрыемствы імпрэзы, канцэрты, сьвяткаваньне памятных датаў, можа адбывацца інаўгурацыя кіраўніка дзяржавы. Трохі з гісторыі плошчы: Плошча Высокага рынку — плошча Свабоды. Цэнтр дарэвалюцыйнага горада, дзе знаходзіліся дом губернатара, казённая палата, суд і прысутныя месцы. У адрозненьні ад Ніжняга рынку, які месьціўся ў нізіне, Высокі рынак знаходзіўся на ўзгорку. У 1866 г. перайменаваны ўладамі ў Саборную плошчу — у гонар праваслаўнага Петрапаўлаўскага сабора, які размясьцілі ва уніяцкай Святадухаўскай царкве (у 1936 г. узарваны). Ад плошчы ў розныя бакі разыходзілася сетка вуліц. Віртуальная Беларусь - гэта праэкт, накіраваны на рэалізацыю дзяржаўнага будаўніцтва Беларусі ў віртуальным фармаце.