Молімся за вяртанне Касцёла Святога Юзафа (Язэпа) і кляштара бернардзінцаў!

220 подписчиков

Група, якая збірае ўсіх неабыякавых да лёсу каталіцкай святыні. Манастырскі комплекс бернардынаў і касцёл св.Язэпа бяруць пачатак ад 1624 году. У 1864г. кляштар і касцёл былі канфіскаваныя царскімі ўладамі. Кляштар і касцёл св.Язэпа прызнаны помнікам архітэктуры. У 2001 годзе на касцёл св.Язэпа была зарэгістравана ў Мінгарвыканкаме парафія. У 2007 годзе вайсковая камендатура вызваліла памяшканні кляштара, у касцёле цяпер знаходзіцца Архіў. Вяртаць касцёл святога Язэпа і кляштар бернардынаў законнаму уласніку – Каталіцкаму Касцёлу – улады не збіраюцца. Праект перабудовы кляштара і касцёла прадугледжвае размяшчэнне там гасцінічнага комплекса і забаўляльных устаноў, басейна, паркінга, казіно... ШАНОЎНЫЯ ВЕРНІКІ І ЛЮДЗІ НЕАБЫЯКАВЫЯ ДА ЛЁСУ ГЭТАЙ СВЯТЫНІі! ХРЫСЦІЯНЕ ЎСІХ КАНФЕСІЙ! УЖО БОЛЬШ ЗА 6 ГОД ШТОДЗЁНА ЛЮДЗІ МОЛЯЦЦА НА ПРЫСТУПКАХ ХРАМА Ў ЛЮБОЕ НАДВОР'Е. ЗНАЙДЗІЦЕ І ВЫ ЧАС, ПРЫХОДЗЬЦЕ КОЖНЫ ПАНЯДЗЕЛАК У 20:00 КАБ ПАМАЛІЦЦА СУПОЛЬНА ЗА ВЯРТАННЕ КАСЦЁЛА СВЯТОГА ЯЗЭПА. Касцёл Св.Язэпа знаходзіцца на вул.Кірылы і Мяфодзія 4, што побач з метро”Няміга”, даехаць можна аўтобусамі 1, 69 прыпынак “Плошча Свабоды” , аутобусамі 24,38,57,77,91, тралейбусамі 12,29,37,40,46,53 да прыпынку “станцыя метро_Няміга” (мапа ў фотаздымках). Касцёл знаходзіцца адразу за праваслаўнай Катэдрай. Удзельнікі гурта, якія ня маюць магчымасці прыходзіць на малітву (бо жывуць, напрыклад, у іншым горадзе ці па іншых прычынах) могуць проста маліцца за вяртанне касцёла Св. Язэпа дома. Вельмі патрэбна вашая малітва!