Рок-школа! 10 лістапада! Гудвін. Мутнае вока, Tlusta Lusta, Голая Манашка, Zaniapad, Restart, Espr

225 подписчиков

10 лістапада! ў клюбе Гудвін пройдзе адбор гуртоў для праекту Рок-школа. Квіткі можна набыць у гандлёвым цэнтры Купалаўскі, 19 кропка. (ст.м. Кастрычніцкая) Даведкі 6490888, 8517706 Удзельнічаюць: СКА!РБ Soulsides Esprit Голая Манашка Мутнае Вока Restart Tlusta Lusta Кашлаты Вох Zaniapad Спрат Абшар Wisp і іншыя. Даведкі: 6490888 Кошт квітка усяго 7 000! Заяўкі ад гуртоў яшчэ прымаюцца! Прэс-рэлізы: Рок-школа. У Беларусі зьявіцца “Рок-школа”. Беларуская Музычная Альтэрнатыва (БМАgroup) аб’явіла пра збор заявак ад гуртоў для ўдзелу у “Рок-школе”. Праект скіраваны на дапамогу маладым гуртам, што толькі пачынаюць свой творчы шлях. Гаворыць ініцыятар праекту Віталь Супрановіч: “Ёсьць вельмі шмат цікавых, перспектыўных маладых рок-гуртоў. Але большая частка з іх застаецца невядомай шырокай аудыторыі. Мы хочам дапамагчы гэтым гуртам, даць ім пачатковыя веды, парады як рушыць далей. Мы не гарантуем што зьявяцца новыя зоркі, але хто ведае... Гэта канешне не “Фабрыка зорак”, але думаю што мы зможам даць прынамсі шанец. Пастараемся падключыць да працэсу радыёстанцыі і тэлеканалы.” Гурты, што жадаюць падаць заяўку мусяць даслаць да 1 жніўня на email rokshkola@gmail.com У заяўцы павінна быць інфармацыя пра гурт, зваротная сувязь, дэма запіс. З дасланых запісаў будзе адабрана 5 гуртоў. У межах праекту будзе зладжаны канцэрт і выдадзены кампакт-дыск. Вядучыя зоркі беларускага року праслухаюць, дадуць парады, зладзяць майстар-класы. Тэкставікі беларускіх гуртоў дадуць свае рэцэнзіі. БМАgroup раскажа пра свой вопыт у арганізацыі канцэртаў. Музычныя крытыкі распавядуць пра тое як падаць сябе каб цябе заўважылі ў СМІ. Сувязь з арганізатарамі 6490888 Навіны праекту Рок-школа. Беларуская Музычная Альтэрнатыва (БМАgroup) апрацавала заяўкі ад гуртоў што даслалі свае запісы для ўдзелу ў Рок-школе. Было даслала 52 заяўкі ад маладых гуртоў практычна з усёй Беларусі. Гаворыць Віталь Супрановіч: “Актыўнасьці гуртоў мы былі вельмі зьдзіўленыя. Нягледзячы на “мёртвы” сезон збору заявак каманды даволі актыўна дасылалі свае запісы. Але разам з тым высьветлілася, што многія папросту ня ведалі пра збор заявак, у шмат каго праблемы каб зрабіць проста дэма-запіс. Таму мы вырашылі працягнуць тэрмін збору запісаў да 25 верасьня” Сваю згоду да супрацоўніцтва з Рок-школай ужо далі Піт Паўлаў, Аляксандр Памідораў, Вячаслаў Корань, Алесь Таболіч (Znich), Зьміцер Лукашук (тэкставік Крамы) і іншыя. “Была вельмі вялікая ўвага дзяржаўных СМІ да нашай абвесткі пра Рок-школу, што вельмі парадавала. Напэўна многія сапраўды чакаюць новых імёнаў на нашай рок-сцэне” – адзначае Віталь Супрановіч. Адносна таго чым жа будуць займацца музыкі у Рок-школе, пра гэта дакладна пакуль не вядома. Арганізатары мяркуюць да канца распрацаваць праграму ўжо разам з адабранымі музыкамі (улічваючы іх пажаданьні) і самімі “настаўнікамі”. Для таго каб падаць заяўку трэба прадаставіць запіс і кароткую гісторыю гурта. Кантакт: 6490888 email: rokshkola@gmail.com