Ўжо 3 выставы да 120-годдзя Язэпа Драздовіча )))

23 подписчиков

Суполка “Пагоня” Беларускага саюзу мастакоў запрашае на адкрыццё выставы жывапісу, графікі, скульптуры і плакату“Нябесныя бегі”, прысвечанай 120-годдзю з дня нараджэння Язэпа Драздовіча, містычнай, незвычайнай і амаль невядомай асобы ў беларускай культуры. http://pawet.net/drazdovicz/ У Беларускім дзяржаўным літаратурным музеі 9 кастрычніка адчыняецца выстава, прысвечаная 120-годдзу беларускага і ўсходнееўрапейскага мастака, скульптара, гісторыка, педагога, этнографа, пісьменніка, падарожника, фантаста і фалькларыста Язэпа Драздовіча. Гэтага чалавека па праву называюць заснавальнікам беларускага нацыянальнага гістарычнага жывапісу. "На выставе паказаныя кампазіцыі, краявіды, творы розных відаў і жанраў. Для Беларусі і наогул для Усходняй Еўропы ў цэлым постаць Язэпа Драздовіча знакавая, паколькі гэта мастак-самародак, ён быў і мастаком, будзем так казаць, зямным, і мастаком касмічнага мроення, мастак-рэканструктар, які займаўся замкамі, кастэлямі, храмамі Беларусі – усё гэта адлюстравана ў ягоных творах: у графіцы, у жывапісы, у дэкаратыўна-прыкладным мастацтве. Ён таксама мастак-візрутоз маляваных дываноў. Тыя касмічныя мроі і рэальныя, рэалістычныя творы, якімі ён упрыгожваў свет, зараз сабраны ў адну кнігу, яны знаходзяцца ў шматлікіх музеях, і такім чынам насычаны сусвет творамі Язэпа Драздовіча, ягонымі ідэямі, ягонымі марамі і мроямі". Апроч твораў самога Язэпа Драздовіча, на выставе будуць прадстаўленыя творы беларускіх мастакоў, якія ў розныя гады бралі ўдзел у шматлікіх пленэрах, прысвечаных майстру.