Геральдыка Вялікага Княства Літоўскага

341 подписчиков

Мэтай стварэньня дадзенай суполкі з'яўляецца азнаямленьне жыхароў Беларусі, а таксама жыхароў суседніх краін, з незаслужана скажаемай гісторыяй Вялікага Княства Літоўскага і Рэчы Паспалітай праз геральдычныя сымбалі гарадоў і ваяводстваў тых гадоў. Асноўны ўпор быў зроблены на ахоп этнічнай тэрыторыі пражываньня беларусаў, якая распасьціраецца далёка за межамі цяперашніх меж Рэспублікі Беларусь. У плыні стагоддзяў межы ВКЛ стала зьмяняліся, у асноўным з-за агрэсіўнай палітыцы некаторых суседзяў, зьнікалі з карт цэлыя гарады і мястэчкі, пераназываліся і ліквідаваліся цэлыя ваяводствы, а на захопленых тэрыторыях навязваліся іншыя геральдычныя сымбалі… Таму часьцяком вельмі складана ўсталяваць першапачатковы герб горада, атрыманы паводле майдэборскага права. Гэта агульнавядомая складанасьць, і пакуль не магчыма знайсьці першапачатковую сымболіку гарадоў літоўскіх, у дадзеным пэўным выпадку разглядаліся гербы царскай Расеі, як найбольш старыя з вядомых… Таксама досыць супярэчлівыя дадзеныя адносна сымбаляў некаторых ваяводстваў, бо адначасова ўжывалася некалькі розных варыянтаў… Варта дадаць што любая крытыка будзе ўспрынятая дадатна, спадзяюся на вашу актыўнасьць, з задавальненьнем разгледжу ўсе прапановы, бо ўсё ведаць проста немагчыма…Карацей кажучы, каму неабыякавая гісторыя і геральдыка ВКЛ, давайце разбіраць і абмяркоўваць гэта разам, у дадзенай суполцы…