ДЗЯДЫ-2008. Шэсьце да Курапатаў.

137 подписчиков

ДЗЯДЫ 2008 Мова, культура, гісторыя і памяць продкаў – тое, на чым трымаецца наш народ. З чаго пачалі бальшавікі у Беларусі? Са зьнішчэньня беларускай ідэі, сымбаляў, мовы і гісторыі. Нам наваязвалі мову і культуру, нас пазбаўлялі права голасу, самых непакорлівых – расстрэльвалі. З чаго пачаў Лукашэнка? Са зьнішчэньня беларускіх нацыянальных сымбаляў, школы, гісторыі, нацыянальнай памяці. Яны хочуць, каб нас не было, каб беларускі народ зьнік з мапы сьвету. Беларускае Адраджэньне пачалося з Курапатаў і Дзядоў. Дзяды ёсьць для нас вялікім нацыянальным сьвятам, якое датычыць душы кожнага чалавека, бо кожны мае продкаў. Не існуе людзей безь дзядоў, няма народу без мінуўшчыны, але ёсць такія, якім адбілі памяць. У дзень Дзядоў, 2 лістапада, сустрэнемся ля ўваходу на Ўсходнія могілкі, паклонімся Васілю Быкаву, Міхасю Ткачову, Уладзіміру Караткевічу, рушым традыцыйным шляхам да Курапатаў, дзе 70 год таму былі забітыя сотні тысяч бязьвінных беларусаў. Менавіта такім маршрутам прайшоў першы Дзядоўскі шлях ў 1988 годзе. Верма ў сьветлую будучыню Беларусі! Трымайцеся сваіх дзядоў! Партыя БНФ.