Сустрэча з Шыманскім і Мілінкевічам

46 подписчиков

20 верасня (субота) ў 13.00 у актавай залі Берасцейскага дзяржаўнага тэхнічнага ўніверсітэта (другі паверх галоўнага корпуса) пройдзе сустрэча Дзмітрыя Шыманскага з жыхарамі горада. Удзел у сустрэчы прыме таксама Аляксандр Мілінкевіч, які з’яўляецца даверанай асобай Шыманскага і актыўна дапамагае кандыдату на працягу ўсёй выбарчай кампаніі. На сустрэчы плануецца абмеркаваць шырокі спектр праблем як гарадскога так і нацыянальнага маштаба: ад сітуацыі вакол камунальнай гаспадаркі і фактычнай “жалезнай заслоны” на мяжы з Польшчай да рэфармавання сістэмы мясцовага самакіравання і перспектыў развіцця краіны ў бліжэйшыя гады.