ПРЭЗЭНТАЦЫЯ АНТАЛЁГІІ "ГАЛАСЫ З-ЗА НЕБАКРАЮ"

29 подписчиков

24 верасьня а 18:00 у канфэрэнц-залі Палацу Мастацтваў (вул. Казлова, 3) адбудзецца прэзэнтацыя анталёгіі беларускага паэтычнага перакладу ХХ стагодзьдзя "Галасы з-за небакраю". Выдавецтва - "Лімарыюс". Укладальнік - Міхась Скобла. Афармляльнік - Генадзь Мацур. "Прадзюсар" - Аляксандар Фядута. "Галасы з-за небакраю" - канцэптуальны працяг анталёгіі беларускай паэзіі ХХ стагодзьдзя "Краса і сіла". Яна мае аб'ём 900 старонак і зьмяшчае вершаваныя пераклады з 57 моваў, якія належаць пяру некалькіх пакаленьняў беларускіх перакладчыкаў. Прэзэнтацыя - унікальная магчымасць набыць шыкоўна выдадзеную кнігу па кошце, ніжэйшым за крамны. Удзел у прэзэнтацыі возьмуць замежныя дыпляматы, якія праявяць сябе ў паэзадэклямацыі. Уваход вольны.