Янка Купала – народны пясьняр Беларусі

Гэтая суполка пасьвечана клясыку сусьветнай і беларускай літаратуры, аднаму з заснавальнікаў новай беларускай літаратуры і сучаснай беларускай літаратурнай мовы, народнаму паэту Беларусі, духоўнаму лідэру беларускага нацыянальнага адраджэньня. Сапраўднае імя Янкі Купалы – Луцэвіч Іван Дамінікавіч . Ён нарадзіўся 7 ліпеня 1882 г. (па новым стылі) у фальварку Вязынка Менскага павета Менскай губерні (цяпер вёска Вязынка Маладзечанскага раёна Менскай вобласьці). 28 чэрвеня 1942 г. ён трагічна загінуў (упаў у лесьвічны пралёт зь 10-га паверха) у гасьцініцы «Масква» пры невысьветленых абставінах. У 1962 г. урна з прахам паэта перавезена ў Менск і пахавана на Вайсковых могілках.