Dzedzich - флэшмоб рух

22 подписчиков

Дзедзіч прапануе флэшмоб!!! Мы аб'яўляем 4 ліпеня Днём Беларускай Гародніны!!! Пасадзі свой памідор ці агурок у родную Зямлю – узбагаці яе вітамінамі. Для гэтага з сабою кожнай Дзяўчыне трэба мець 1 зялёны Агурок, а кожнаму Хлопцу чырвоны памідор. Пажадана каб агародніна была ўраджаю гэтага году, там больш вітамінаў, ды і лепш нашага камбінату «Берасце», бо мы падтрымліваем айчыннага вытворцу. Усе разам 4 ліпеня роўна ў 18.58 падыходзім на самы канец бульвара Касманаўтаў, там дзе ён перакрыжоўваецца з праспектам Машэрава (ажно за лаўкамі, дзе газон і нейкія кусцікі) і ў 19.00 пачынаем выкопваць у зямлі ямкі па памерах свайго агурка (памідора) і пасля са словамі-клятвай: «Квітней Беларуская Зямля, расці любы памідор (агурок)!!!», закопваем памідор лепш цалкам, а агурок можна каб крыху выглядаў з зямлі. Толькі клятву трэба казаць абавязкова, па іншаму Зямля не ўспрыме вітаміны, якія ёй захоча падараваць гародніна праз нас. І ўсё. З усмешкай і гонарам за выкананую працу пакідаеш месца флэшмоба. ЗАЎВАГА: Калі вам цяжка будзе капаць Зямлю рукамі, а дзяўчынкам шкада свайго манікюра – у месцы капання загадзя будзе падрыхтавана некалькі спецыяльных прылад працы – дзіцячых рыдлёвачак. Капайце на здароўе і памятайце, пачынаем капаць роўна ў 19.00 4 ліпеня на скрыжаванні бульвара Касманаўтаў і праспекта Машэрава, менавіта на самым ускрайку бульвара. Пасля ўсім разам ў 19.10 можна пайсці за новымі агуркамі і памідорамі ў «Меркурый», толькі цяпер з'есці самым і ўзбагаціць сябе вітамінамі. Есці можна таксама разам там жа, каля крамы. У размове з прадаўцамі кажам толькі па-беларуску «Дайце калі ласка памідор (агурок)», «Разлічыце калі ласка за памідор (агурок)». http://vkontakte.ru/board.php?act=topic&tid=5533896