СУСТРЭЧА З ЧАРАЎНІКАМІ!!! УЛАДЗМЕРАМ АРЛОВЫМ І АНДРЭЕМ ХАДАНОВІЧАМ У ВІЦЕБСКУ 27 чэрвеня. 19.00

72 подписчиков

УЛАДЗМЕР АРЛОЎ І АНДРЭЙ ХАДАНОВІЧ У ВІЦЕБСКУ 27.06!!! а 19.00 для тых, хто ня ведае, дзе шукаць - сустракаемся каля Ратушы а 18.45! файная сутрэча з самымі яркімі беларускімі пісьменьнікамі! :)) У праграме: прэзэнтацыя новых АЎДЫЁ-КНІГ, чытаньне твораў, адказы на інтымныя пытаньні, жарты, прэзэнтацыя фільма "Беларуская Народная Рэспубліка", афтограф-сэсія, продаж кніг і інш.! Прыходзьце - будзе цікава! ;)) УЛАДЗІМЕР АРЛОЎ — майстар гістарычнае прозы, іранічны эсэіст. Філіграннае валоданьне стылем і сакавіта‑грубаваты гумар зрабілі яго адным з самых папулярных пісьменьнікаў краіны. http://www.arlou.org/ http://be-x-old.wikipedia.org/wiki/Уладзімер_Арлоў Сярод герояў Арлова — князі Усяслаў Чарадзей і Вітаўт Вялікі, першадрукар Францішак Скарына і канцлер Леў Сапега, ваяводы Канстанцін Астрожскі і Ян Кароль Хадкевіч, правадыры паўстанцаў Тадэвуш Касцюшка і Кастусь Каліноўскі, паэты Мікола Гусоўскі і Максім Багдановіч, “бацькі” Беларускай Народнай Рэспублікі Іван і Антон Луцкевічы... Падкрэсьліваючы выключную ролю, якую у нашай гісторыі зь першых яе стагодзьдзяў адыгрываюць жанчыны, Уладзімір Арлоў апавядае пра княгіню Рагнеду, асьветніцу Еўфрасінню, удзельніцу вызвольнага паўстання 1831 года Эмілію Плятэр, паэтэсу Цётку... Храналагічныя межы 30 раздзелаў кнігі — ад з’яўлення на сучаснай тэрыторыі Беларусі першых людзей да абвяшчэння незалежнасці БНР. “Адкуль наш род” — першая беларуская аўдыёкніга, якую начытаў сам аўтар. Але адметнай яе робіць не толькі гэта. У дадзеным выпадку мы маем справу не проста з аўдыёкнігай, але з мультымедыйным праектам. “Адкуль наш род” можна як слухаць, так і чытаць. Кніга мае багатае гукавое афармленне і аздобленая малюнкамі вядомага мастака Віктара Сташчанюка. У яе арганічна ўвайшоў музычны “кампанент”, дзе вылучаюцца кампазіцыі гурту сярэднявечнай музыкі “Стары Ольса”. Сярод ліку выканаўцаў уштукаваных у кнігу вершаў — наш выдатны актор Віктар Манаеў. і АНДРЭЙ ХАДАНОВІЧ - Беларускі паэт, перакладчык, літаратурны крытык. Аматар украінскай літаратуры і паэзіі Малярмэ. http://litara.net/prs/khadanovich BONUS: выстава толькі гэтага дня! першы й апошні раз: дызайнэр NO LOGO PROMOGROUP Сьцяпан Дубоўскі выстаўляе серыю графічных прац "Размаўляй па-беларуску" трэба, каб атрымалася! навіны з выдавецтва: выйшла яшчэ адна аўдыё-кніга Арлова "Таямніцы полацкай гісторыі"! чытае сам аўтар! ДАЕШ КОЖНАМУ БЕЛАРУСУ ПЭРСАНАЛЬНАГА АРЛОВА Ў БУМБОКС! ;)))