Камісія па культуры ГА БНФ "Адраджэньне"

59 подписчиков

Камісія па культуры грамадскага аб'яднаньня БНФ "Адраджэньне" яднае фронтаўцаў розных пакаленьняў. Захаваўшы досьвед працы папярэдніх гадоў, культурніцкая камісія зрабіла акцэнт на шчыльную супрацу з моладзьдзю, на павелічэньне мэтавай групы й выхад на шырокую аўдыторыю, на выкарыстоўваньне сучасных тэхналёгіяў. Камісія па культуры БНФ "Адраджэньне" трымае вернасьць фронтаўскім традыцыям і ідэалам. Менавіта культурніцкая камісія вярнула да актыўнага выкарыстаньня першапачатковы фронтаўскі сьлёган "Свабода! Незалежнасьць! Адраджэньне!", напоўніла яго новым гучаньнем і зьместам. У працы камісіі задзейнічаны мастакі, вэтэран-фронтавец Аляксей Марачкін, галоўны рэдактар часопісу "Спадчына" Аляксей Хадыка, кіраўнік лэйбу "БМА-груп" Віталь Супрановіч, мастак-фатограф Ігар Крашэўскі, дудар, батлейнік пан Скіргайла-Палянэцкі, моладзь партыі БНФ, маладыя дызайнеры, мастакі, рэжысеры кіно і тэатру. Старшыня Культурніцкай камісіі БНФ - Франак Вячорка