РАГАЧОЎя нарадзіўся тут

137 подписчиков

Група для тых, якія нарадзіліся, жылі (-уць) ці як-небудзь звязаны з гэтым горадам. Рагачоў упершыню згадваецца ў Iпацьеўскiм летапiсе ў 1142 годзе i прыгожа стаiць на высокiм мысе ў сутоках Дняпра i Друцi, мае гераiчную i цiкавую гiсторыю. “Нiдзе на Беларусi няма такой колькасцi археалагiчных помнiкаў, як у Рагачоўскiм раёне. Вось чаму беларускiя навукоўцы выступаюць з iдэяй стварэння на Рагачоўшчыне нацыянальнага археалагiчнага запаведнiка ўздоўж Дняпра. Ураджэнцам Рагачоўскага раёна з'яўляецца народны пiсьменнiк Беларусi Андрэй Макаёнак, 90 год з дня народзiнаў якога будзе адзначацца 12 лiстапада 2010 года. З Рагачоўскiм раёнам звязана жыццё народнага пiсьменнiка Беларусi Мiхася Лынькова, якi ў 1917 годзе скончыў Рагачоўскую настаўнiцкую семiнарыю. Дарэчы, 30 лiстапада 2009 года спаўняецца 110 год з дня народзiнаў пiсьменнiка. Гэты край займае асаблiвае месца ў творчым лёсе класiка беларускай лiтаратуры Уладзiмiра Караткевiча, 80 год з дня народзiнаў якога будзе адзначацца 26 лiстапада 2010 года. Многiя свае творы Караткевiч напiсаў менавiта ў Рагачове. Сярод iх — навела ”Ладдзя Роспачы", якая распавядае пра сярэдневяковага жыхара Рагачова Гервасiя Вылiваху. Пiсьменнiк лiчыў, што гэты твор з'яўляецца найбольш удалай спробай “даць абагульнены характар беларуса, якому i чорт не брат, якога i смерць не палохае, якi больш за ўсё любiць Радзiму, жыццё i весялосць i нi пры якiх абставiнах не саступiць у барацьбе за iх”. Усталяванне помнiка Гервасiю Вылiваху было б добрым падарункам для жыхароў Рагачова i яго гасцей. У горадзе захаваўся шэраг помнiкаў археалогii i дойлiдства, у тым лiку гарадзiшча старажытнага Рагачова на Замкавай гары, дзе ў сярэдзiне XVI ст. у стылi рэнесансавых iтальянскiх палацца быў збудаваны замак каралевы i вялiкай княгiнi Боны — жонкi польскага караля i вялiкага князя лiтоўскага Жыгiмонта I Старога" (Марат Гаравы)