Наш госць – паэт Генадзь Бураўкін

21 подписчиков

Госцем у офісе АГП паслязаўтра (то бок, у чацвер, 10 красавіка) будзе вядомы беларускі паэт Генадзь БУРАЎКІН. Акрамя сваёй літаратурнай дзейнасці, Г.Бураўкін па жыцці займаўся і грамадска-палітычнай, і журналісцкай. У канцы 60-х – пачатку 70-х ён быў карэспандэнтам газеты “Правда” па Беларусі. То быў найбольш значны ў савецкую часіну орган друку; не скажам “СМІ”, бо ў Саюзе сродкаў масавай інфармацыі як такіх не было – былі сродкі агітацыі і прапаганды, як і цяпер у лукашэнкаўскай Беларусі; аднак прафесійны ўзровень быў непраўнальна вышэйшы, ніяк не гэткі калгасны, як зараз... Пасля таго, у 70-х, Генадзь Бураўкін узначальваў літаратурны часопіс “Маладосць”. З 1978 г. - старшыня Дзяржаўнага камітэта Беларускай ССР па тэлебачанні і радыёвяшчанні. З 1990 г. - пастаянны прадстаўнік Беларускай ССР пры ААН. Ну, а пасля да ўлады прыйшоў Лукашэнка... І хай з тысяч рэк чужых нап’юся – Толькі для апошняга глытка Я прыду сюды, да Беларусі, Да свайго азёрнага кутка. Прыходзьце – спадзяемся, будзе цікава! Вул. В.Харужай, 22 – 1701 (“кукурузіна”, 17-й паверх), 18-00.