PERFECT i Grzegorz Markowski

27 подписчиков

Група пра польскі рок-гурт "PERFECT". Гурт "Perfect" быў заснаваны ў 1977 годзе В. Мараўскім, З. Завадзкім і З. Голдысам. Напачатку вакалістамі гурта былі Збігнеў Голдыс і Бася Тшэтшэлевска. Гурт выступаў у ЗША, у колах польскіх эмігрантаў. У новы 1980 год "Perfect", зьмяніўшы склад, дае дэбютны канцэрт у Варшаве ў адным зь клюбаў. І амаль што адразу прыдбае папулярнасьць сярод насельніцтва. У тым самым годзе выходзіць іх "Белы альбом". За год было прададзена амаль што мільён экзэмпляраў кружэлак. На пачатку васьмідзесятых з-за ваеннага стану ў Польшчы гурт вымушаны быў сысьці ў андэграўнд, аднак, ня гледзячы на тое, здабывае ўсё большую папулярнасьць у грамадзтве. У 1983 годзе Голдыс заяўляе пра канец існаваньня "Perfect". У 1987 гурт зьбіраецца ізноў каб адыграць два канцэрты: ў Гданьску і ў Варшаве. Толькі на варшаўскім канцэрце прысутнічала каля 40 тыс. чалавек. У 1989 годзе гурт выязджае на гастролі ў ЗША. Замест Маркоўскага сьпявае Голдыс. Канцэрты праходзяць у клюбах Ню-Ёрка, Лос Анжэлеса ды Сан Францыска. У 1994 "Perfect" выступае ў Катавіцах. Неўзабаве выходзіць дыск з таго канцэрта. А ў тым самым годзе музыкі выдаюць альбом "Jestem" (Я ёсьць). У 1997 зьяўляецца альбом "Geny" (Гены), пасьля, у 1999 - "Śmigło" (Прапеллер). У тыя ж гады сьвяткуецца 20-ці годдзе гурта. У ХХІ стагоддзі гурт працягвае існаваць, аднак многія аматары і фаны лічуць, што гэта ўжо ня той "Perfect", які быў у часы вайсковага стану і вялікіх пераменаў. "PERFECT" стаўся сымбалем вызваленьня Польшчы ад камуністаў, гэта ёсьць рок пакаленьня васьмідзесятых, які застаецца папулярным і сёньня. Афіцыйная Старонка ў сеціве: http://www.perfect.art.pl