выстава "Вясна-красна"

14 подписчиков

"Вясна-красна" ў мастацкай галерэі "Універсітэт культуры" 6 сакавіка а 17-й гадзіне ў мастацкай галерэі "Універсітэт культуры" адкрылася выстава "Вясна-красна". Экспазіцыя падзяляецца на 3 тэматычныя часткі: - вясновая выстава як вынік зімовай рукадзельнай працы; - кветка-краска як сімвал Вясны; - сімвал Вясны-карміцелькі (земляробчыя матывы) ў дэкаратыўна-прыкладным мастацтве. У экспазіцыі прадстаўлены ткацкія вырабы (абрусы, ручнікі, посцілкі), старадаўнія беларускія рэгіянальныя святочныя строі, вырабы з саломкі, дрэва (куфры, маляванкі), кераміка. На адкрыцці выставы прайшоў паказ мадэляў адзення і сцэнічных касцюмаў, зробленых мастакамі-дызайнерамі на аснове старадаўніх тэхнік, адбылося "гуканне вясны". Наведвальніцы атрымалі саламяныя сувеніры ў падарунак да 8 сакавіка. У рамках правядзення выставы пройдуць майстар-класы і мерапрыемствы: • Пляценне паясоў – 12 сакавіка, 17.30 • Пляценне з саломкі – 19 сакавіка, 17.30 • Паказ мадэляў – 21 сакавіка, 17.00 • Канцэрт гурта Rosy – 22 сакавіка, 15.00 Наш адрас: мастацкая галерэя "Універсітэт культуры", Кастрычніцкая пл., 1 (Палац Рэспублікі); час працы : з 11.00 да 19.00, выхадныя – панядзелак, аўторак. Кантакты: маст. галерэя - 227-26-12