Айчынная музыка: знаёмая і ня толькі!

15 подписчиков

Сёньня ў нашай краіне, мабыць, няма такога чалавека (прынамсі, маладых гадоў), які б ня ведаў такія імёны, як Нэўра Дзюбэль ці НРМ. Аднак, як паказвае практыка музычнага жыцьця, нярэдка айчынная музычная прастора й абмяжоўваецца гэтымі імёнамі, з дадаваньнем да іх некаторых камандаў іхняга ўзроўню, а таксама шэрагу больш ці менш цікавых у творчым пляне пасьлядоўнікаў. Мэта гэтай групы - пашыраць інфармацыю пра ўвесь спэктар айчыннай "неафіцыйнай" музыкі, пераважна альтэрнатыўнага й андэграўнднага накірунку. Мы не чакаем, што вы палюбіце ўсю тую музыку, што пачуеце тут, але ведаць пра яе зусім няблага! І два словы пра аўтарскія правы: - уся прадстаўленая тут інфармацыя ёсьць безумоўнай уласнасьцю тых асобаў і арганізацыяў, што валодаюць адпаведнымі правамі. У выпадку, калі хтосьці з дадзеных асобаў ня згодны з разьмяшчэньнем інфармацыі на гэтай старонцы, дастаткова проста паведаміць аб гэтым. - мы не прапануем вам спампоўваць музыку, мы даем мажлівасьць зь ёй пазнаёміцца. Набывайце ліцэнзаваныя дыскі - падтрымлівайце вашых улюбёных музыкаў!