Гурт Новае Неба й Кася Камоцкая

159 подписчиков

Новае Неба — беларускі рок-гурт. Заснаваны ў 1991 годзе бард-сьпявачкай Касяй Камоцкай і гітарыстам Лявонам Шырыным. Маюць 8 дыскаў у дыскаґрафіі. У сярэдзіне 90-х беларускі рок трымаўся на трох кітах. Акром «Мроі», што ў 1995 г. стала называцца N.R.M, і ULIS у эліту трывала ўвайшоў гурт «Новае Неба» з Касяй Камоцкай на вакале — па-сутнасьці першай беларускай rock-woman. Што цікава, ейны голас і эмоцыі зьўляліся галоўным інструмэнтам у гурце. Да гэтага альбому «Новае Неба» працавала ў асноўным на элітную, падрыхтаваную аўдыторыю. Гурт аб'ядноўваў прадстаўнікоў г.зв. «новай творчай фармацыі»: Касі падыгрывалі лепшыя музыкі — Шырын, Вольскі, Корань, Дземідовіч, Ляўкоў, тэксты пісалі лепшыя паэты — Міхал Анемпадыстаў, Адам Глобус, Анатоль Сыс, той жа Лявон Вольскі... Альбомы НН «Дзеці чорнага гораду», «Сон у трамваі», «Ідзі дамоў!» нарабілі розгаласу. Пасьля запісу на дзяржрадыё песьні «Прэзыдэнт, ідзі дамоў» у 1995 годзе некаторых былых супрацоўнікаў БДР улучна з Касяй дагэтуль не пускаюць у будынак. А назву «Новае Неба» не рэкамэндавалася прамаўляць у радыё- й тэлеэтэры. Зараз гурт, нажаль, не выступае. Кася Камоцкая часам дае акустычныя канцэрты